OPCIÓN PRÉMIUM

A opción todo incluído

O billete Prémium ofréceche unha viaxe ao máis alto nivel, nun asento Confort para gozar de máis espazo e comodidade, con servizos complementarios incluídos e a mellor política de cambios e anulacións. Asegura unha viaxe redonda.

Ademais, lembra que mercando o teu billete con antelación sempre optarás ao mellor prezo.

 

 

O BILLETE PRÉMIUM INCLÚE:

  • Viaxa en asento Confort, con todas as características estándar e máis espazo, para unha viaxe máis cómoda.
  • Se o precisas, poderás cambiar o titular do teu billete de balde.
  • Máxima flexibilidade para a túa viaxe: cambios sen custo (agás a diferenza de prezo co novo billete, en caso de existir) e anulación con só un 5 % de gastos.
  • Se che xorde un imprevisto e non chegas a tempo ao teu tren, poderás cambiar o teu billete para viaxar de balde no seguinte.
  • Selecciona o asento no que queres viaxar sen custo.
  • Viaxa coa túa mascota gratis.
  • Goza de restauración na praza, na comodidade do teu asento. Coñece todos os detalles.

E ademais:

  • Goza de música a bordo: desde o teu propio asento, sintoniza a canle de música que máis che guste (clásica, pop/rock, jazz, folk…) e déixate levar.
  • Goza de cine a bordo: desde o teu asento e sen ningún custo. A maioría dos nosos trens levan monitores onde se emiten películas, series, documentais e programas. Cada mes renovamos a programación para que non teñas un minuto de aburrimento durante a túa viaxe.
  • Auriculares dispoñibles, para gozar da música e do entretemento a bordo.
  • Equipaxe gratuíta: podes subir a bordo do tren e sen custo extra ata 3 vultos considerados equipaxe de man, sempre que a suma dos tres non supere os 25 kg de peso.
  • Portaequipaxes: espazo abondo para ter as túas maletas ao alcance e á vista.
  • Baños adaptados a persoas con mobilidade reducida.
  • Se viaxas nun tren Ave, conéctate á nosa rede wifi gratuíta e aproveita ao máximo a túa viaxe con PlayRenfe.
  • A maioría dos nosos trens teñen cafetaría, por se che apetece estarricar as pernas e darte un capricho.
  • Ademais, en todas as túas opcións de viaxe contas co Combinado de Cercanías. Poderá obter, de balde, dous billetes para viaxar en Cercanías, Rodalies, Feve ou na rede TRAM de Alacante. Podes usalos desde 4 horas antes da saída do tren e ata 4 horas despois da chegada ao destino. Adquire estes billetes gratuítos en máquinas autovenda e despachos de billetes das estacións, escaneando o código de barras ou introducindo o código que figura no teu billete.

MELLORA A TÚA VIAXE CON ESTES EXTRAS:

  • Buscas aínda máis comodidade durante a túa viaxe? Asegúrate de ter o máximo espazo adquirindo o asento contiguo ao teu.

Os billetes para viaxar en trens Ave e Larga Distancia son nominativos. Non esquezas levar contigo un documento acreditativo de identidade vixente con fotografía (DNI, permiso de conducir, tarxeta de residencia ou pasaporte). Poden realizarse controis de identidade durante o proceso de facturación ou a bordo dos trens.