O coliseo romano de Nîmes é un dos monumentos máis importantes desta cidade. Coñécese como Arena de Nîmes e é un anfiteatro ou coliseo romano. Nel celebráronse importantes eventos tanto no pasado coma na actualidade. Cos nosos trens AVE Francia, o AVE Internacional entre España e Francia, viaxaremos en alta velocidade ao pasado da cidade. Imos!
Nîmes é a capital de Gard, un departamento francés situado ao sur de Francia. É especialmente famosa polo seu coliseo romano e pola Maison Carré, un templo romano. É unha cidade que destaca polos restos de monumentos antigos que aínda se conservan desde a época romana.
A Arena de Nîmes é o nome co que se coñece ao coliseo romano ou anfiteatro, que se construíu o ano 27 a. C. Antigamente, na Arena de Nîmes, celebrábanse cazas de feras e combates de gladiadores.
O coliseo romano de Nîmes está composto por dous niveis de arcadas. Ten as seguintes dimensións: 133 metros de longo, 101 metros de largo e 21 metros de alto. No seu día, milleiros e milleiros de asistentes ían aos espectáculos neste famoso anfiteatro. Estes estaban distribuídos nas distintas gradas segundo o seu estatus social, tal como adoitaba pasar en todo tipo de celebración romana antigamente.
A Arena de Nîmes
Os anfiteatros eran a sede dalgunhas das actividades máis famosas da antiga Roma. Entre estas actividades, destacan as seguintes:
A Arena de Nîmes é, como xa dixemos, un dos anfiteatros romanos máis importantes de todos os tempos. Pero, que características son as que diferencian un coliseo romano de calquera outro tipo de monumento?
Un anfiteatro romano non ten ningún tipo de antecedente. Isto significa que os romanos foron os primeiros en construílo. A diferenza principal entre un anfiteatro e un teatro romano é a forma. Un anfiteatro ten forma ovalada, mentres que un teatro é un semicírculo.
Os anfiteatros, que orixinalmente foron construídos de pedra, dividíanse en varias partes. A planta ou base do anfiteatro chamábase arena e estaba envolta pola «cávea». Cávea é o nome que lle daban os romanos á gradaría dos seus anfiteatros. Estás gradas son onde sentaban os espectadores durante os espectáculos. Os asistentes estaban divididos en función da súa clase social.
Nos anos posteriores, a Arena de Nîmes tivo outras funcións diferentes. Durante a Idade Media, este coliseo romano tiña a función de fortaleza. Serviu como refuxio para todas esas persoas que estaban en perigo.
Máis adiante construíronse casas privadas no interior, as cales foron demolidas a inicios do século XIX. Entón, a Arena de Nîmes volveu ao seu estado orixinal.
Actualmente, ten capacidade para máis de 16.000 visitantes. Este famoso coliseo romano utilízase como lugar onde celebrar importantes eventos. Celébranse desde corridas de touros ata concertos e, mesmo, manifestacións. Tamén se pode realizar unha visita e contemplar detidamente os detalles dun lugar que foi tan importante.
Son varios os anfiteatros romanos que se conservan hoxe en día. E son varios os que son visitados por turistas diariamente. Porén, a Arena de Nîmes ten algo que os demais non teñen: é o mellor conservado de todos os coliseos romanos. Se estás pensando visitar Nîmes, non podes perder este monumento histórico.
Existe a posibilidade de facer visitas de distinta índole: un tour cun guía turístico, unha visita con actores e ambientación da época romana e a terceira proposta é unha actividade, en equipos de dous a cinco persoas, que resulta unha fusión entre un xogo de pistas e un «escape room».
Tamén se venden pases que che permiten a entrada aos tres monumentos de Nîmes máis importantes: o anfiteatro, a Maison Carrée e Tour Magne.
Nîmes e o seu impresionante coliseo romano están soamente a un traxecto de poucas horas se decides viaxar nos nosos trens AVE Internacional. Esta cidade do sur de Francia é, sen dúbida ningunha, unha visita que repetirás.
E se ademais de Nîmes, che interesa seguir o teu itinerario, invitámoste a visitar outras cidades igual de impresionantes conectadas polos nosos AVE a Francia grazas á fácil combinación dos nosos destinos: desde Perpiñán, Narbona, Béziers, Montpellier, Aviñón, Aix-en-Provence ou Lión, sempre de centro a centro da cidade.
Cal será a túa próxima visita cultural? Ti elixe como queres a viaxe, nós poñemos os destinos e o transporte. Coñeces os nosos descontos? Aprovéitaos e obtén o mellor prezo no teu billete de tren.